“Ҳозирда лаборатория текширувлари олиб борилмоқда”
Афғонистондан келтирилган ичимликда заҳарли модда аниқланганига изоҳ берилди.
Ижтимоий тармоқда Афғонистонда ишлаб чиқарилган анор таъмли ичимлик таркибида заҳарли модда аниқлангани ва шу сабабли унинг сотуви Қирғизистонда тақиқлангани ҳақида хабар тарқалди. Ҳолат юзасидан Санэпидқўмита расмий муносабат билдирди.
Қайд этилишича, ушбу маҳсулот Ўзбекистон Республикасига ҳам олиб кирилган. Ҳар бир партиялар тегишли лаборатория текширувларидан ўтказилиб, маҳсулот партиясига санитария-эпидемиологик хулосалар берилган.
Келтирилган маҳсулотлар таркибида заҳарли ёки инсон саломатлиги зарар келтирувчи моддалар аниқланмаган.
Ҳозирда Афғонистон Республикасида ишлаб чиқарилган анор таъмли маҳсулотлардан қайта намуналар олиниб, назорат тартибида лаборатория текширувлари олиб борилмоқда.
“Бугунги кунга қадар аҳоли томонидан айнан ушбу маҳсулотнинг сифатсизлиги ва истеъмол қилиш оқибатида заҳарланганлиги тўғрисида мурожаат келиб тушмаган”, дейилади муносабатда.
