Қибрайда қалбаки доллар сотувчи шахс ушланди
Шунингдек, Сирдарёда ҳам сохта пул муомаласи аниқланган.
Тошкент вилояти Қибрай туманида ўтказилган тезкор тадбирда фуқаро С.С. 100 АҚШ долларлик купюрадаги қалбаки 3 200 АҚШ долларини фуқаро А.И.га ҳақиқий 1 000 АҚШ долларига сотган вақтида ашёвий далиллар билан ушланган.
Сирдарё вилояти Сирдарё туманида ўтказилган терговга қадар текширувда фуқаро С.З. ва бошқалар тадбиркор Ш.Н.нинг “Бунёдкор” МФЙ ҳудудидаги савдо дўконидан харид қилган озиқ-овқат маҳсулотлари учун қалбаки 100 минг сўмлик купюрани берган вақтида ушланиб, уларнинг ёнидан жами 1,3 млн сўм қалбаки пуллар ашёвий далил сифатида олинган.
Мазкур ҳолатлар юзасидан Жиноят кодексининг 176-моддаси билан жиноят ишлари қўзғатилиб, тергов ҳаракатлари ўтказилмоқда.
