Тадқиқотчилар интернетнинг физик оғирлигини аниқлашди

 

Тадқиқотчилар глобал интернетнинг оғирлигини ҳисоблаб чиқишди. Виред порталининг маълумотларига кўра, бутун интернетнинг массаси 960 000 граммдан ошади.

 

Интернетнинг оғирлигини биринчи марта 2006 йилда Гарвард физиги Рассел Саитс ҳисоблаб чиққан. У глобал тармоқни бошқариш учун зарур бўлган энергия массасини инобатга олиб, интернет оғирлигини атиги 50 грамм – яъни икки дона қулупнайнинг вазнига тенг деб белгилаган. Кейинчалик Диссовер журнали интернет-трафикни кодлашда иштирок этувчи электронлар массасини ҳисоблаб, бу миқдорни граммнинг беш миллиондан бир қисмига тенг деб топди.

 

Бироқ баъзи олимлар бундай ёндашувларни объектив деб ҳисобламайди. Шунинг учун НEС Лабораториес Америса президенти Кристофер Уайт янги ҳисоб-китоблар ўтказди. У интернетдаги барча маълумотларни кодлаш учун зарур бўлган энергияни ҳисоблаб чиқди. 175 зеттабайт ҳажмдаги интернет маълумотлари Э=мс² формуласидан фойдаланган ҳолда 5.32 × 10⁻¹⁴ Г массага эга бўлиши мумкинлигини аниқлади.

 

Яна бир альтернатив ёндашув интернет маълумотларини ДНК билан таққослаш бўлди. Тадқиқотчиларнинг фикрига кўра, 1 грамм ДНК тахминан 215 петабайт маълумот сақлаш қувватига эга. Агар интернетнинг умумий ҳажми 175 зеттабайт деб ҳисобланган бўлса, уни сақлаш учун 960 000 грамм ДНК керак бўлади. Бу эса 64 000 дона қулупнай оғирлигига тенг.