2030 йилда сунъий интеллект инсон даражасига етиши мумкин
Тизим мураккаб муаммоларни ҳал қилиш қобилиятига эга бўлиши таъкидланмоқда.
Google DeepMind экспертлари 2030 йилга келиб умумий сунъий интеллект (АГИ) инсон даражасига етишини прогноз қилмоқда. АГИ тизими мураккаб муаммоларни ҳал қилиш ва янги билимларни ўзлаштириш қобилиятига эга бўлади, деб таъкидламоқда.
Бироқ, мутахассислар АГИ тизимининг ўз-ўзини такомиллаштириб, назоратдан чиқиши мумкинлиги ҳақида огоҳлантирмоқда. Хавфсизликни таъминлаш учун, сунъий интеллектдан нотўғри фойдаланишни чеклаш ва тизим қарорларини шаффоф қилиш зарур.
DeepMind экспертлари, шунингдек, АГИ тизимини хавфсиз муҳитда ривожлантириш ва унинг ишлашини тўғри назорат қилиш муҳимлигини таъкидламоқда.
