YouTube AI ёрдамида видеолар учун мусиқалар яратади

YouTube контент яратувчиларга ўзлари хоҳлаган мусиқанинг бепул инструментал версиясини яратиш имкониятини тақдим этади, бу эса муаллифлик ҳуқуқи муаммоларидан ҳоли бўлиш имконини беради.

 

YouTube "Music Assistant" деб номланган янги сунъий интелект воситасини ишга туширди. Бу восита ёрдамида контент яратувчилар ўзларига керакли мусиқанинг бепул инструментал версиясини яратишлари мумкин. Ушбу восита Creator Music beta фойдаланувчилари учун мавжуд бўлиб, YouTube бу имкониятни аста-секин кенгайтирмоқда.

 

"Music Assistant" воситаси ҳозирда фақат АҚШдаги YouTube Партнер Програмининг аъзолари учун мавжуд. YouTube келажакда ушбу воситани бошқа ҳудудлардаги фойдаланувчилар учун ҳам тақдим этишни режалаштирмоқда.

 

Тизим фойдаланувчиларга ўз сўровларини AIга, масалан, "мотивацион мусиқа" ёки "спорт видео учун энергияли мусиқа" каби аниқ талаблар киритиш орқали ишлайди. Бу мусиқалар муаллифлик ҳуқуқи муаммоларидан холи бўлади ва контент яратувчилар уларни видео таҳририда хавфсиз ишлатишлари мумкин.

 

YouTube ушбу янги AI мусиқаси воситасини муаллифлик ҳуқуқи муаммоларини ҳал қилиш ва контент яратувчиларга бепул ва хавфсиз мусиқаларни яратиш имкониятини бериш мақсадида ишга туширди. Фойдаланувчилар AI ёрдамида ўз хоҳишларига мос мусиқаларни яратиб, уларни видеоларида қўллашлари мумкин, шунда мусиқанинг муаллифлик ҳуқуқи билан боғлиқ даъволар ёки чекловлар юзага келмайди.

 

Маълумот учун: Бу восита тўлақонли муаллифлик масалаларидан ҳоли бўлганлигини англатмайди. Фойдаланувчи ўз видео контентига мос қўшиқ номини киритади. SI (сунъий интелект) уни бошқа инструментлар ёрдамида чалинган мусиқа версиясини тақдим этади, қўшиқ сўзлари эса тушириб қолдирилади. Танланган мусиқанинг ритми ва вокали ўзгарган бўлиб, сўзлар тушириб қолдирилгани учун YouTube алгоритмида муаллифлик масаласида муаммо бўлмайди. Лекин AI мусиқанинг оригинал версиясига ўхшашроқ вариантни тақдим этиб юбориши, муаллифлик ҳуқуқи билан боғлиқ муаммоларни келтириб чиқариши ҳам мумкин.