Робот-жарроҳ 137 операцияни муваффақиятли якунлади

Медтронис компаниясининг “Hugo” номли робот-жарроҳи 137 та операциядан 98,5 фоизини муваффақиятли бажарди. Бу кўрсаткич дастлабки режалаштирилган 85 фоизлик мақсаддан анча юқори бўлиб, технологик тиббиёт соҳасида катта қадам сифатида баҳоланмоқда.

 

Ушбу ютуқ глобал миқёсда кенг муҳокама қилинмоқда. Машҳур миллиардер ва технологик тадбиркор Илон Маск ҳам бу борада фикр билдириб, келажакда сунъий интеллект асосида ишлайдиган роботлар энг тажрибали жарроҳларнинг ўрнини эгаллашини таъкидлади.

 

Maskning Neuralink компанияси ҳам айнан робот-жарроҳлардан фойдаланмоқда. Унинг айтишича, инсон бундай аниқлик ва тезликда ишлай олмайди, ва энг нозик жарроҳлик амалиётлари учун айнан роботлар идеал ечим ҳисобланади.