Кубик-рубик йиғиш бўйича янги рекорд қўйилди

 

Американинг Пурдуэ университетининг талабалари 0,103 сонияда кубик-рубикни йиғган Пурдубик роботини yaratdilar.Bu тезлик инсоннинг бир марта кўзини очиб юмишидан ҳам тезроқ, шунинг учун ушбу жараённи фақат секинлаштирилган видеода кўриш мумкин.

 

Ушбу ютуқ Гиннес рекордлари китобига киритилиб, аввалги рекорд – Mitsubishi Electric компаниясининг 0,305 сониялик натижасини анча ортда қолдирди.

 

Робот рангларни аниқлашда машинали кўриш технологияси ва оптималлаштирилган алгоритмлар ёрдамида ишлайди. Гарчи лойиҳа асосан техник имкониятларни намойиш қилишга қаратилган бўлсада, бундай тизимлар реал саноат соҳаларида – маҳсулотларни йиғиш ва қадоқлаш каби жараёнларда кенг қўлланилиши мумкин.

 

Айтиш жоизки, инсонлар орасидаги рекорд Хитойлик 11 ёшли бола томонидан ўрнатилган бўлиб, у кубикни 3,08 сонияда йиғишга эришган.