Ҳаводан бензин олиш қурилмаси ишлаб чиқилди
Қурилмани уй ҳовлиси ёки гаражда бемалол сақлаш мумкин.
Америкалик Aircela стартапи ҳаводаги карбонат ангидрид (СО₂) газидан суюқ ёқилғи — бензинга ўхшаш маҳсулот олишга мўлжалланган янги қурилмани намойиш қилди. Компания вакилларининг таъкидлашича, ушбу ёқилғи ҳозирги бензинли автомобиллар учун тўлиқ мос келади ва ҳеч қандай техник ўзгариш талаб этмайди.
Қурилманинг ҳажми кичик бўлиб, уни уй ҳовлиси ёки гаражда бемалол сақлаш мумкин. Қурилманинг бир литр ёқилғини қанчалик тез ишлаб чиқариши ҳозирча маълум эмас. Стартап маҳсулотни оммавий ишлаб чиқаришни шу йилнинг кузида бошлашни режалаштирмоқда.
Мутахассислар бу янгиликни автомобиль саноати ва экологик барқарорлик йўлида катта қадам сифатида баҳоламоқда. Агар лойиҳа муваффақиятли бўлса, ёқилғи ишлаб чиқариш соҳасида инқилоб юз бериши мумкин.
