Япония интернет тезликда рекорд ўрнатди
10 мингта фильмни бир сонияда юклаб олиш мумкин.
Япония муҳандислари интернет тезлиги борасида мисли кўрилмаган ютуққа эришди. Улар 1808 километр масофага 19 каналли оптик толали кабель орқали сониясига 1 миллион гигабит тезликда маълумот узатишга муваффақ бўлишди. Бу кўрсаткич интернет узатиш тезлиги бўйича янги жаҳон рекорди сифатида қайд этилди.
Ушбу ультра-тезкор алоқанинг имкониятлари жуда кенг: бир сонияда 10 000 та 4К форматдаги фильмни юклаб олиш мумкин. Бу технология нафақат оддий фойдаланувчилар, балки сунъий интеллект, илмий ҳисоб-китоблар ва квант ҳисоблаш тизимлари учун ҳам катта ютуқ бўлиши кутилмоқда.
Экспертлар фикрича, бу каби технологик силжишлар келажакда интернет инфратузилмасини тубдан ўзгартиради ва глобал маълумот алмашинуви сифатини кескин оширади.
