Қашқадарёда дўкон 190 миллион сўмлик электрни ўғирлади
Ҳозирда ҳолат юзасидан терговга қадар суриштирув ишлари олиб борилмоқда.
Қашқадарёнинг Касби туманидаги "М.С.С." хусусий тадбиркорга қарашли савдо дўкони электр тармоғига ўзбошимчалик билан уланиб, ноқонуний равишда электр энергиясидан фойдаланган.
Бу ҳолат Электр энергияси ва газдан фойдаланишни назорат қилиш инспекцияси томонидан аниқланган.
Дастлабки ҳисоб-китобларга кўра, электр таъминоти корхонасига 181,7 миллион сўмлик моддий зарар етказилган.
