Пекинда одамсимон роботлар дўкони очилади
Роботлар реал шароитларда синовдан ўтказилади.
2025 йил август ойида Пекин шаҳрида илк одамсимон роботлар дўкони очилиши режалаштирилмоқда. China Daily хабарига кўра, бу лойиҳа Бутунжаҳон роботлар конференцияси доирасида тақдим этилади ва ноябрь ойидан бошлаб тўлиқ фаолият юритади.
Дўкон 4S тизимига асосланади — яъни савдо, хизмат кўрсатиш, эҳтиёт қисмлар таъминоти ва техник кўрикни ўз ичига олади. Роботлар реал шароитларда синовдан ўтказилади, ва улар учун махсус намойиш зоналари яратилади.
UBTech, AgiBot, Galaxea каби ўнта компания лойиҳада иштирок этиш бўйича шартнома имзолаган. Дўконда роботларни йиғиш, таъмирлаш ва бутловчи қисмларни етказиш тизими йўлга қўйилади.
Сунъий интеллект ва ҳаракат бошқаруви технологиялари туфайли, одамга ўхшаш роботлар бозори яқин уч йил ичида 1 триллион юандан ошиши кутилмоқда. Харидорлар роботларни кредитга олиш имкониятига ҳам эга бўладилар.
