Нонушта – вазн йўқотишнинг калити

 

Соғлом вазнни сақлаш ёки ортиқча килограммлардан халос бўлишни хоҳлайсизми? Унда ҳар куни эрталаб қандай нонушта қилаётганингизга эътибор беринг. Мутахассислар фикрига кўра, тўғри танланган биринчи овқат кун давомида иштаҳани назорат қилиш, энергияни сақлаб қолиш ва ҳаттоки метаболизмни фаоллаштиришга ёрдам беради.

 

Россиялик овқатланиш бўйича мутахассис Юлия Чехонина нонуштанинг соғлом тартиби ҳақида илмий асосланган маслаҳатлар билан ўртоқлашди. Унга кўра:

 

Эрталабки қаҳва – фойдали одат. Кофеин қон айланишини фаоллаштириб, ҳазм қилиш тизимини уйғотади.

 

Уйқудан кейинги дастлабки 30 дақиқа ичида нонушта қилиш тавсия этилади. Бунга тайёр бўлиш учун эса эрталаб бир стакан сув ичиш лозим – бу ошқозонни ишга тайёрлайди.

 

Нонуштада оқсилга бой маҳсулотлар – тухум, творог, табиий йогурт бўлиши керак. Улар узоқ тўйимлилик беради ва қон шакарининг кескин ўзгаришини олдини олади.

 

Шакарли таомлар ўрнига – бўтқани янги мевалар ёки қуритилган резаворлар билан биргаликда истеъмол қилиш тавсия қилинади. Бу таомга нафақат лаззат, балки тола, витамин ва минераллар ҳам қўшади.

 

Тўғри тузилган нонушта – бу нафақат метаболизмни фаоллаштириш, балки кун давомида соғлом овқатланишга асос бўладиган муҳим қадамлардан биридир.