Қирғизистонда сунъий интеллект асосидаги платформа ишга тушди
Платформа қирғиз тилини оммалаштиришга хизмат қилади.
Қирғизистонда давлат тилини рақамли муҳитда қўллаб-қувватлаш мақсадида "Айтıл" номли сунъий интеллект платформаси ишга туширилди. Лойиҳа устида тўрт йилдан ортиқ вақт давомида ишланган.
Платформа матнни овозга айлантириш, овозни матнга ўгириш, 10 та тил орасида таржима қилиш, видеоларга автоматик субтитрлар яратиш каби функцияларни таклиф этади. Шунингдек, у Қирғиз тилида чатбот ёрдамчиси ва ОСР технологияси орқали матнни расм ва ҳужжатлардан таниб олиш имкониятига эга.
Лойиҳа муаллифларига кўра, "Айтıл" давлат хизматларидан фойдаланишни қулайлаштириш, таълим тизимига инновацияларни жорий этиш ва қирғиз тилини оммалаштиришга хизмат қилади.
Эндиликда платформани давлат муассасалари ва таълим лойиҳалари билан интеграция қилиш режалаштирилмоқда.
