Исроил оташкесим кучга кирганини тасдиқлади
Трамп сулҳ “абадий” давом этишини кутмоқда.
Исроил Эрон билан ўт очишни тўхтатиш бўйича сулҳ кучга кирганини тасдиқлади. Бу ҳақида Нетаняҳу идораси маълум қилди.
Нетаняху идорасига кўра, Исроил Эронга қарши ҳарбий операциянинг “барча мақсадларига” эришган. Ядровий ва ракета соҳасидаги “таҳдид” бартараф этилган.
“Исроил Эронда ўз мақсадларига эришди. Биз сулҳнинг бузилишига куч билан жавоб берамиз” , дейилади баёнотда.
NBC News телеканалининг хабар беришича, Трамп Исроил ва Эрон ўртасидаги оташкесим сулҳи “абадий” давом этишини кутмоқда.
“Менимча, бу ўт очишни тўхтатиш муддат бўйича ҳеч қандай чекловларсиз ва абадий давом этади", — дея АҚШ президентининг сўзларидан иқтибос келтирмоқда телеканал.
