Қозон ва Самарадаги жиноятларга ўзбекларнинг алоқаси борми?
Ўзбекистоннинг Қозондаги консулхонаси ижтимоий тармоқлардаги хабарларга аниқлик киритди.
Ўзбекистоннинг Қозон шаҳридаги Бош консулхонаси ижтимоий тармоқларда тарқалган “Ўзбекистон фуқаролари турли жиноятларда айбланмоқда” деган маълумотларни расмий текширув орқали ўрганиб чиқди.
Консулхона берган баёнотга кўра, улар ўз консуллик округидаги ҳолатларни мониторинг қилиб, ҳар бир фойдаланувчи ишига аниқлик киритиш, керак бўлганда консуллик-ҳуқуқий ёрдам кўрсатиш билан шуғулланмоқда.
Россия Федерациясининг ваколатли тузилмаларидан олинган расмий жавоблар ҳамда бош консулхонанинг сўровномалари асосида аниқланишича, Татаристон Республикасида (Қозон ҳамда атрофидаги ҳудудлар) ҳамда Самара вилоятида рўй берган жиноятлар учун Ўзбекистон фуқароларининг иштироки тасдиқланмаган. Шу сабабли, ижтимоий тармоқлардаги уларга алоқадорлик ҳақида тарқалган хабарлар ҳақиқатга мос келмайди.
Консулхона баёнотида таъкидланишича, барча аниқлик киритилган ҳолатлар юзасидан юзага келган нотўғри маълумотлар бартараф этилган, ёлғон хабарларга асос бўлган ҳолатлар бекор қилинди.
