Урганчдаги маҳаллаларга шоқоллар кириб борди
Ҳозирда чиябўриларни ҳуркитиш ишлари олиб борилмоқда.
Ижтимоий тармоқларда тарқалган, Урганчда шоқоллар (чиябўрилар) кўрингани ҳақида Хоразим вилояти Экология бошқармаси расмий изоҳ берилди.
Аниқланишича, ҳолат Урганч тумани Чандирқиёт қишлоғи, "Бақайлар" маҳалласида содир бўлган. Аҳоли орасида хавотир уйғотган бу ҳолат бўйича чоралар кўрилмоқда.
Тегишли қонунчиликка мувофиқ, ҳайвонот дунёсини муҳофаза қилиш ва одамлар фаолиятига зарар етказилишининг олдини олиш мақсадида ҳаваскор овчилар гуруҳи тузилган.
Ҳозирда мазкур ҳудудда чиябўриларни ҳуркитиш ишлари олиб борилмоқда. Мутасаддилар вазият назоратда эканини билдирмоқда.
