АҚШда осмондан доллар ёғди
Воқеа яқинда вафот этган тадбиркорнинг васиятига мувофиқ амалга оширилган.
АҚШнинг Детройт шаҳрида ноодатий ҳодиса юз берди — кўчада пул ёмғири ёғди. Бу ҳақда people.com хабар берган.
Маълумотларга кўра, воқеа яқинда вафот этган автоювиш шохобчаси эгасининг васиятига мувофиқ амалга оширилган. Марҳум тадбиркорнинг сўнгги орзуси — одамларни хурсанд қилиш мақсадида уларга осмондан пул ёғдириш бўлган.
Шу муносабат билан шаҳарнинг бир кўчаси вақтинча ёпилган. Тез орада осмонда вертолёт пайдо бўлган ва ундан юзлаб ҳақиқий доллар банкноталари тушира бошланган. Аҳоли бу воқеани мамнуният билан қабул қилиб, тезда пул йиғиб олган. Тахминан ярим соатдан кейин кўча яна очилган.
