5 ёшли қизга нисбатан жинсий зўравонлик: Наманганда боғча омбор мудири тарбияланувчи қизни зўрлади
Жабрланувчи боланинг қонуний манфаатлари Болалар омбудсмани томонидан кузатилмоқда.
Наманган вилояти Учқўрғон туманидаги давлат мактабгача таълим ташкилотларидан бирида 5 ёшли тарбияланувчига нисбатан жинсий зўравонлик содир этилгани маълум бўлди. Бу ҳақда Болалар омбудсмани Zamon.uz'га маълум қилди.
Қайд этилишича, ҳолат юзасидан Учқўрғон тумани ИИБ Тергов бўлинмаси томонидан 12 сентябрь куни Жиноят кодексининг 118-моддаси 4-қисми билан жиноят иши қўзғатилган.
“Шу куннинг ўзида гумонланувчи K.M. процессуал тартибда дарҳол ушланган бўлиб, унга нисбатан қамоқ эҳтиёт чораси қўлланган. Ҳозирда жиноят иши бўйича дастлабки тергов ҳаракатлари олиб борилмоқда”, дейилади Болалар омбудсмани ахборотида.
Ҳозирда жиноят иши бўйича дастлабки тергов ҳаракатлари олиб борилмоқда.
Болалар омбудсмани мазкур иш юритувида ўз ваколатлари доирасида жабрланувчи боланинг қонуний манфаатлари таъминланишини кузатиб бормоқда.
