Бугундан Ўзбекистонда жазирама бошланади

"Ўзгидромет" маълумотига кўра, 2 июль куни республика бўйича ҳаво ҳарорати 37-44 даража атрофида бўлади. Жанубий ва чўл ҳудудларда баъзи жойларда ҳарорат 45-46 даражагача кўтарилиши мумкин.

 

Жумладан:

 

Тошкент шаҳрида ҳаво бироз булутли бўлади, ёғингарчилик кутилмайди. Шамол шарқдан 3-8 м/с тезликда эсади. Кечаси 21-23 даража илиқ, кундузи 37-39 даража иссиқ бўлади.

 

Қорақалпоғистон Республикаси ва Хоразм вилоятида ҳаво бироз булутли бўлиб, баъзи жойларда ўзгариб туради, ёғингарчилик бўлмайди. Шамол 13-18 м/с гача кучайиб, чанг-тўзонлар билан кузатилиши мумкин. Кечаси 22-27 даража, кундузи 37-42 даража иссиқ бўлади.

 

Бухоро ва Навоий вилоятларида ҳаво бироз булутли бўлади, ёғингарчилик кутилмайди. Айрим жойларда шамол 13-18 м/с гача кучайиб, чанг-тўзонлар кўтарилиши мумкин. Кечаси 22-27 даража илиқ, кундузи 39-44 даража иссиқ бўлади.

 

Тошкент, Сирдарё, Жиззах ва Самарқанд вилоятларида ҳаво бироз булутли бўлади, ёғингарчилик кутилмайди. Баъзи ҳудудларда шамол 13-18 м/с гача кучайиши, чанг-тўзонлар билан кузатилиши мумкин. Кечаси 20-25 даража илиқ, кундузи 35-40 даража иссиқ бўлади.

 

Қашқадарё ва Сурхондарё вилоятларида ҳаво бироз булутли бўлади, ёғингарчилик бўлмайди. Шамол шарқдан 7-12 м/с тезликда эсади. Кечаси 22-27 даража илиқ, кундузи 40-45 даража иссиқ бўлади.

 

Андижон, Наманган ва Фарғона вилоятларида ҳаво бироз булутли бўлади, баъзи жойларда ўзгариб туради, ёғингарчилик бўлмайди. Шамол шарқдан эсади. Кечаси 20-25 даража илиқ, кундузи 35-40 даража иссиқ бўлади.

 

Республиканинг тоғ олди ва тоғли ҳудудларида ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол 13-18 м/с гача кучайиши мумкин. Кечаси 15-20 даража илиқ, кундузи 28-33 даража иссиқ бўлади.