“Ташаббусли бюджет”нинг 2-мавсуми 15 июлдан бошланади
Ғолиблар Мустақиллик байрами куни эълон қилинади.
“Ташаббусли бюджет”нинг 2025 йилги иккинчи мавсуми 15-июлдан бошланади. Бу ҳақида Иқтисодиёт ва молия вазирлиги хабар берди.
Бунда:
- лойиҳа киритиш босқичи — 15 июль–3 август;
- саралаш босқичи — 4–18 август;
- тарғибот босқичи — 19–21 август;
- овоз бериш босқичи — 22–31 август кунлари ўтказилади.
Ғолиблар 1 сентябрь — Мустақиллик байрами куни эълон қилинади.
Эслатиб ўтамиз, “Ташаббусли бюджет”нинг 2025 йилги биринчи мавсуми 1 февралдан бошланиб, 20 мартга қадар давом этганди. Овоз бериш якунларига кўра, 3,2 триллион сўмлик 2 369 та лойиҳа ғолиб деб топилган. Лойиҳаларнинг энг кўпи — 964 таси ички йўлларни таъмирлаш билан боғлиқ тадбирлар бўлган.
