“Ўрикзор” савдо комплекси бузилиши ҳақидаги гапларга нуқта қўйилди
Тошкент шаҳар ҳокимлиги хабарлар бўйича расмий баёнот берди.
Сўнгги кунларда ижтимоий тармоқларда Тошкентдаги машҳур “Ўрикзор” савдо комплекси ёпилади ёки бузилади деган хабарлар тарқалди. Аммо Тошкент шаҳар ҳокимлиги бу маълумотларга расмий муносабат билдириб, бундай гап-сўзларга нуқта қўйди.
Ҳокимликнинг расмий баёнотида айтилишича, “Ўрикзор савдо комплекси” МЧЖ тугатилиши, бузилиши ёки қайта қурилиши режалаштирилмаган. Мажмуа ўзининг одатдаги иш тартибида ҳафтанинг барча кунлари, дам олишларсиз фаолиятини давом эттиради.
Ҳозирча савдо ҳудудида ҳеч қандай реконструкция ёки ёпилиш ишлари режалаштирилмаган. Шу сабабли ҳокимлик фуқаролардан асоссиз миш-мишларга ишонмасликни сўраган.
Савдо мажмуаси раҳбарияти ҳам “Ўрикзор” бозори одатдагидек ишлашда давом этаётганини тасдиқлаган.
