Расмий хабар: Термиз ҳавосининг кучли ифлосланиши кузатилмоқда
Ҳаводаги чанг миқдори рухсат этилган меъёрдан ошиб кетган.
2025 йил 24 июль куни метеорологик шароитлар - шамолнинг кучайиши сабабли, Термиз шаҳрининг атмосфера ҳавосида чанг зарралари миқдорининг кўпайиши кузатилмоқда. Шамол тезлиги 4,2-4,9 км/С.
Автоматик мониторинг станцияси маълумотларига кўра соат 11:00 дан 12:00 гача атмосфера ҳавосидаги ПМ10 майда заррачаларининг миқдори 635-805 мкг/м3 ни ташкил этди, бу рухсат этилган меъёрдан 1,3-1,6 марта ошиб кетган.
ПМ2.5 майда дисперсли заррачаларининг таркиби 172-223 мкг/м3 ни ташкил этди, бу рухсат этилган меъёрдан 4,9-6,4 марта ошиб кетди.
