“Дуккакли маҳсулотлар ҳосилининг 30 фоизи исроф бўлмоқда”
Президент видеоселектор йиғилишида ҳокимлар фаолиятини танқид қилди.
Президент Шавкат Мирзиёев раислигида ўтаётган видеоселектор йиғилишида дуккакли маҳсулотлар ҳосили исроф бўлаётгани танқид қилинди.
Қайд этилишича, Экспортда энг катта захиралардан бири – дуккакли маҳсулотлар. Ҳар йили 450 миллион долларлик ловия, мош, тариқ ва нўхат экспорт қилинмоқда.
Бу экинлар пахта билан бир вақтда етилгани, ишчи кучи етишмагани учун ҳосилнинг 30 фоизи исроф бўлмоқда. Лекин бирорта ҳоким шу пайтгача янги экин ерларини кўпайтириш у ёқда турсин, тайёр ҳосилнинг ўзидан 150-200 миллион доллар экспорт бой берилаётганини ҳисоб-китоб қилмагани танқид қилинди.
Бутун дунёда фермерлар дуккакли экинларни махсус комбайн билан йиғиштиради. Шу боис Қишлоқ хўжалиги жамғармасидан дуккакли экин экиш-йиғиш техникаларига 15 фоизгача субсидия берилиши, кредит ставкасининг 10 фоиздан ошган қисми қоплаб берилиши эълон қилинди.
Мутасаддиларга бир ойда ушбу тизимни йўлга қўйиш, йил охиригача 200 та бундай техникани олиб келиш топширилди.
