Афғонистон ва Тожикистон чегарасида қўролли тўқнашув юз берди
Тўқнашувда бир афғон ҳалок бўлган, тўрт киши яраланган.
24-август куни Тожикистоннинг Бадахшон вилояти, Дованг чегара ҳудудида Афғонистондаги “Толибон” Муваққат ҳукумати кучлари ва Тожикистон чегарачилари ўртасида қўролли тўқнашув содир бўлди. Бу ҳақда маҳаллий ОАВ — “Shana news” хабар берди.
Дастлабки маълумотларга кўра, отишма оқибатида бир афғонистонлик ҳалок бўлган, яна тўрт нафари яроҳат олган. Маҳаллий манбалар ҳодисанинг сабаби сифатида ҳудуддаги Хитой кончилик компаниялари фаолияти ва Амударё оқимининг бузилишини кўрсатмоқда.
“Толибон” ва Тожикистон ўртасидаги муносабатлар сўнгги вақтларда таранглашиб бормоқда. “Afghanistan International”нинг ёзишича, тўқнашувдан сўнг икки томон вакиллари учрашув ўтказиб, дарё суви ва кончилик билан боғлиқ масалаларни муҳокама қилган. Учрашув давомида томонлар бир-бирини ҳудудларида мухолиф гуруҳларни қўллашда айблаган.
Маълумот учун, 17-июлдан 10-августгача Тожикистондан қарийб 1000 нафар афғонистонлик мажбуран депортация қилингани хабар қилинган эди. “Панжи Пойон – Шерхон Бандар” чегара назорат пункти орқали жами 1647 киши Афғонистонга қайтарилган, шундан 976 нафари мажбуран чиқариб юборилган.
