Пискент автополигонидаги автомобиль синовлари бекор қилинди
Эндиликда автомобилларни синовдан ўтказиш амалиёти расмий дилерлар тизими орқали амалга оширилади.
2 сентябрдан бошлаб автомобилларни Пискент автополигонида синовдан ўтказиш амалиёти тўхтатилди.
Ўзбекистон техник жиҳатдан тартибга солиш агентлигининг маълум қилишича, сўнгги йилларда мамлакатимизда хорижий автомобиль ишлаб чиқарувчиларининг 21 та расмий дилери фаолият бошлаган. Шунингдек, 100 дан ортиқ автомобиль русумлари учун турини маъқуллаш ҳужжатлари расмийлаштирилган.
Натижада, истеъмолчиларга расмий дилерлар орқали кафолатланган транспорт воситаларини харид қилиш имконияти кенгайтирилди. Шунингдек, республика бўйлаб дилерлик ва сервис марказлари сонининг ортиши, аҳолининг тўғридан-тўғри расмий вакиллар билан ишлаш тизимига ўтиши инобатга олиниб, Пискент автополигонида автомобилларни синовдан ўтказиш жараёнларига эҳтиёж қолмаган.
