Австралияда инсоният тарихини сақловчи “қора қути” лойиҳаси амалга оширилмоқда
Глобал инқироз юз берса, ушбу “қора қути” келажак авлодларга инсоният тарихида нима бўлганини тушунишга ёрдам беради.
Тасманиянинг ғарбий қисмида Earthʼs Black Box лойиҳаси амалга оширилмоқда. Лойиҳа доирасида тахминан ўн метр узунликдаги пўлат монолит қурилади, у инсоният тарихини ва унинг йўқ бўлишининг мумкин бўлган сабабларини қайд этишга мўлжалланган. Бу ҳақда BILD нашри хабар берди.
Қалинлиги 7,5 сантиметр бўлган пўлат конструкция геологик жиҳатдан барқарор бўлиб, узоқ жойда гранит асосга ўрнатилади. Лойиҳа муаллифлари орасида Тасмания Университети, Slemenger BBDO агентлиги ва The Glue Society санъат гуруҳи мавжуд.
Қурилма қуёш энергияси билан ишлайди ва асрлар давомида автоном хизмат кўрсатишга мўлжалланган. Ичида атмосферадаги СО₂ контсентрацияси, ҳаво ва океан ҳарорати, денгизларнинг кислоталаниш даражаси, энергия истеъмоли, сиёсий қарорлар, янгиликлар ва ижтимоий тармоқлардаги нашрларни доимий ёзиб борувчи маълумот сақлаш тизимлари жойлаштирилади.
Лойиҳа муаллифлари таъкидлашича, глобал инқироз юз берса, ушбу “қора қути” келажак авлодларга инсоният тарихида нима бўлганини тушунишга ёрдам беради. Тизимнинг тўлиқ ишга туширилиши 2026 йилга қадар режалаштирилган.
