Намангандаги резина ишлаб чиқариш корхонасида ёнғин чиқди
Ёнғин қарийб бир соатда бартараф этилди.
Наманган вилояти Давлатобод туманида резина ишлаб чиқариш корхонасининг том қисмида ёнғин содир бўлди. Бу ҳақда ФВВ хабар берди.
Маълум қилинишича, 8 сентябрь куни "Халқлар дўстлиги" МФЙ ҳудудидаги резина ишлаб чиқариш цехининг том қисми ёнаётгани ҳақида Фавқулодда вазиятлар бошқармасига хабар келиб тушган.
Шундан сўнг ёнғин-қутқарув экипажлари ҳодиса жойига етиб бориб, ёнғинни соат 17:00 да қуршаб олган. Ёнғин соат 17:55 да тўлиқ ўчирилган.
Ҳодиса оқибатида тан жароҳати олганлар ҳақида маълумот келиб тушмаган.
Ёнғиннинг келиб чиқиш сабаби ва етказилган зарар миқдори бўйича маълумот берилмаган.
