20 миллионлик жаримани “йўқ қилиш” 500 долларга тушди
Самарқанддa “Энергосавдо” муҳандиси 20 млн сўмлик жаримани бекор қилиш эвазига пул талаб қилган.
Бош прокуратура ҳузуридаги Иқтисодий жиноятларга қарши курашиш департаментининг Тойлоқ туман бўлими ва бошқа ҳуқуқни муҳофаза қилувчи органлар ҳамкорлигида тезкор тадбир ўтказилган.
Унда «Энергосавдо» Тойлоқ туман бўлими муҳандиси П. М. фуқаро М. Э. га қўлланилган 20 млн сўмлик жаримани бекор қилиб бериш, шунингдек, янги электр ҳисоблагич ўрнатиб, тегишли ҳужжатларни расмийлаштириш эвазига 500 АҚШ долларини олаётган вақтида ашёий далиллар билан ушланган.
Мазкур ҳолат юзасидан Жиноят кодексининг 25, 168-моддаси (фирибгарликка суиқасд) билан жиноят иши қўзғатилган.
Ҳозирда тергов ҳаракатлари олиб борилмоқда.
