6 баравар қиммат: айрим дорихоналарнинг «қинғир иши» фош бўлди
Айрим дорихоналарда дори воситалари нархи сунъий равишда ошириб юборилгани аниқланди. Хусусан, айрим дорихоналарда 15 минг сўмлик дори 190 минг сўмга сотилган.
Рақобат қўмитаси томонидан ўтказилган «сирли мижоз» тадбирлари давомида айрим дори воситалари белгиланган нархдан 6 бараваргача қиммат сотилгани аниқланди.
Жумладан, «SHUNQORLAR» МЧЖга қарашли дорихонада 12 минг сўмлик дори 70 минг сўмдан таклиф этилаётгани, 66 минг сўмлик восита эса 395 минг сўмдан сотилаётгани аниқланган.
«MUNO FARM» МЧЖга қарашли дорихонада нархи 50 минг сўм бўлган таблетка 295 минг сўмдан таклиф этилган. «CITY FARM» МЧЖга қарашли дорихоналарда 18 минг сўмлик дори 63 минг сўмга сотилган.
«HOSIL FARM» МЧЖга қарашли дорихонада 15 минг сўмлик дори 80 фоиз устама қўйилиб, 190 минг сўмга, 115 минг сўмлик таблетка эса 3 баравар қимматга сотилган.
Шу каби қоидабузарликлар яна бир нечта дорихоналарда кузатилган.
Юқорида аниқланган қонунбузарликлар юзасидан белгиланган тартибда кўрсатма берилиб, лицензия талаблари бўйича қайта кўриб чиқиш учун тегишли ваколатли органга сўров юборилган.
