“Бу жуда кичик нарх”: Трамп Эрон билан урушда АҚШ шаҳарлари вайрон бўлиши мумкинлигини айтди
Эрон билан можарода Лос-Анжелес ва Сан-Диегога зарар етиши мумкин.
АҚШ президенти Дональд Трамп Эрон билан эҳтимолий ҳарбий можаро оқибатлари ҳақида гапирар экан, Калифорниядаги Лос-Анжелес ва Сан-Диего шаҳарлари вайрон бўлиши мумкинлигини айтди.
Трамп бу ҳақда Небраска штатининг Гранд-Айленд шаҳрида ўтказилган митингда сўзлаган.
Унинг таъкидлашича, Яқин Шарқдаги ҳарбий ҳаракатлар сабаб ёқилғи ва бошқа товарлар нархининг ошиши тинчлик ҳамда АҚШ хавфсизлигини таъминлаш учун тўланадиган нархдир.
“Улар шаҳарни вайрон қилишлари мумкин. Лос-Анжелесни вайрон қилишсин, Сан-Диегони вайрон қилишсин. Бу жуда кичик нарх ва барчаси жуда тез орада тугайди”, — деган Трамп.
АҚШ президенти бундай эҳтимолий йўқотишлар мамлакатнинг қўйган мақсадларига эришишига тўсқинлик қилмаслигини билдирган.
Шунингдек, Трамп Эрон билан боғлиқ вазият юзасидан АҚШ олдида кейинги қадамларни белгилаш зарурати турганини айтган. У можаро “яхши ёки ёмон” сценарий бўйича ривожланиши мумкинлигини билдирган.
Трампнинг Лос-Анжелес ва Сан-Диего ҳақидаги баёнотлари унинг Эрон билан эҳтимолий ҳарбий можаро учун АҚШ зиммасига олишга тайёр бўлган хавфлар ҳақидаги фикрлари доирасида янграган.
