Қорақалпоғистоннинг Беруний туманига кучли ёғингарчилик оқибатида сел келди
Баланд тепаликдан оқиб тушган ёғин сувлари сел ҳосил қилган.
Қорақалпоғистоннинг Беруний туманида кучли ёғингарчилик оқибатида сел ҳодисаси кузатилди. Бу ҳақда “Ўзгидромет” маълум қилди.
Қорақалпоғистон Республикаси метеостанцияси берган маълумотга кўра, 5 апрел куни Беруний тумани ҳудудида ёққан кучли ёмғир натижасида баланд тепаликдан Султон-Увайсий зиёратгоҳига оқиб тушган ёғин сувлари сел ҳосил қилган.
Қайд этилишича, ҳозирги пайтда ҳам ушбу ҳудудда ёғингарчилик давом этмоқда.
Соат 20:00 ҳолатига яқин ҳудуддаги Манғит агропости маълумотларига кўра, ёғингарчилик миқдори 21,8 миллиметрни ташкил этган.
