Саида Мирзиёева Сергей Кирийенко билан учрашув ўтказди
Савдо, IT ва энергетика соҳаларида қўшма лойиҳалар кўриб чиқилди.
Бугун Саида Мирзиёева ва амалий ташриф билан Ўзбекистонда бўлиб турган Россия Федерацияси Президенти Администрацияси раҳбарининг биринчи ўринбосари Сергей Кирийенко ўртасида учрашув бўлиб ўтди.
Учрашувда Ўзбекистон ва Россия Президентлари ўртасида эришилган келишувларнинг амалий ижроси муҳокама қилинди.
Савдо, иқтисодиёт, энергетика ва ахборот технологиялари соҳаларидаги қўшма лойиҳалар ҳамкорликнинг асосий йўналишлари сифатида кўриб чиқилди.
Шунингдек, Президентлар Администрациялари ўртасида таълим, бандлик ва ёшлар сиёсати йўналишларида ҳамкорликни ривожлантириш масалаларига алоҳида эътибор қаратилди.
