“Бешқўрғон”даги ёнғинда жароҳатланганлар ва қурбонлар борми?
ФВВ тарқалаётган хабарларга ойдинлик киритди.
Тошкент шаҳрида жойлашган “Бешқўрғон” савдо мажмуасида ёнғин содир бўлган ёнғинда жабрланганлар борлиги ҳақида хабарлар тарқалганди. ФВВ мазкур ҳолат юзасидан маълумот берди.
ФВВ маълум қилишича, ёнғин оқибатида фуқаролар орасида жабрланганлар йўқ. Айни пайтда ёнғин сабаблари ҳамда етказилган моддий зарар миқдори аниқланмоқда.
Шунингдек, вазирлик ижтимоий тармоқларда тарқалган “жабрланганлар бор” мазмунидаги хабарларни асоссиз деб баҳолаб, оммавий ахборот воситалари ва блогерларни ахборот тарқатишда эҳтиёткор бўлишга чақирди.
Тошкент шаҳрида жойлашган “Бешқўрғон” савдо мажмуасида 5 апрель куни ёнғин содир бўлган эди. Ёнғин ҳақида соат 15:56 да хабар келиб тушган.
Шундан сўнг қутқарув ва ёнғин ўчириш бўлинмалари зудлик билан воқеа жойига етиб бориб, ёнғинни бартараф этиш ишларини бошлаган.
Вазирлик маълумотига кўра, ёнғин қисқа вақт ичида назоратга олиниб, унинг кенг ҳудудга тарқалишининг олди олинган. Соат 18:18 да ёнғин тўлиқ ўчирилган.
