Афғонистонда 6,3 балли зилзила юз берди
Оқибатда 2 минг киши ҳалок бўлгани айтилмоқда.
Афғонистоннинг Эрон билан чегараси яқинида 6,3 магнитудали зилзила рўй берди.
Ер силкиниши 7 октябр куни соат 11:00 атрофида бошланган. Унинг эпимаркази Ҳирот шаҳридан тахминан 40 км ғарбда жойлашган.
Ҳодиса оқибатида кўплаб бинолар шикастланган, одамлар харобалар остида қолиб кетган.
Фавқулодда хизматлар вакилининг маълум қилишича, мингдан ортиқ аёллар, болалар ва кекса ёшли кишилар яраланган.
AFP агентлигининг ёзишича, зилзила қурбонлари сони 2 минг кишига етган.
