Америка банки йирик молиявий хатога йўл қўйди
Банк мижоз ҳисобига адашиб 81 триллион доллар ўтказди.
Американинг Citibank ходимлари мижозга атиги 280 доллар ўрнига 81 триллион доллар юборишди. Иккита ходим ушбу хатони сезмай, фақат учинчи мутахассис транзакция тасдиқлангандан кейин банк балансидаги муаммоларни пайқаб, 90 дақиқа ўтиб уни бекор қилди. Бир неча соатдан кейин маблағ банкка қайтди.
Маълумотларга кўра, маблағлар аслида банкнинг ўзидан чиқиб кетмаган ва АҚШ Федерал захира тизими ва бошқа тартибга солувчи органлар воқеа ҳақида хабардор қилинган. Citibank ўтган йили ҳам худди шундай, лекин нисбатан кичикроқ миқёсдаги 10 та нотўғри транзакция билан боғлиқ хатоларга йўл қўйган. 2024 йилда эса банк хавф назоратининг паст сифати туфайли жами 136 миллион доллар жаримага тортилган.
