Apple 2022 йилнинг тўртинчи чорагида қўшимча дастурларга эга ақлли кўзойнак чиқаришни режалаштирмоқда. Бу ҳақда "Inc.Russia" сайти маълум қилди.
Мутахассис Минг-Чи Куонинг сўзларига кўра, қурилма иккита процессорга эга бўлади. Асосий процессор қуввати бўйича Мас компьютерларида қўлланиладиган М1 чипи билан тенг ишлайди. Ёрдамчи процессор ақлли кўзойнаклардаги сенсорлардан олинган маълумотларни қайта ишлаш учун мўлжалланган.
Appleнинг AR-гарнитураси алоҳида процессорни талаб қилади, чунки сенсорнинг ишлов бериш қуввати iPhoneникидан анча юқори. Фойдаланувчиларга узлуксиз видео билан бир вақтда AR хизматларини тақдим этиш учун унга 6-8 оптик модул керак.
Шунингдек, қурилма экрани иккита Sony 4K микро ОЛEД дисплейлари билан жиҳозланган, мутахассисларнинг айтишича, бу VR-ни қўллаб-қувватлаш имкониятидан далолат беради.
Аввалроқ, Аpple, Мicrosoft ва Alphabet компаниялари кўрган фойда анчага ўсгани ҳамда Apple янги функцияси билан ўз фойдаланувчиларини ташвишга солгани ҳақида хабар берилганди.
Муножат Валиева