Ғайриоддий хулқ, одатлар ва дангасалик аслида юқори интеллектдан далолат бериши мумкин. Мақолани диққат билан ўқисангиз, балки ўзингизнинг ақлий салоҳиятингиз ўйлаганингиздан юқори эканига амин бўларсиз.
Тунда ишлашни ёқтириш
Айрим тадқиқотлар натижаси IQ баланд инсонлар тунги ҳаёт тарзини афзал кўришини исботлаган. Шунинг учун бундай одамлар муҳим масалалар, шу жумадан, иш бўйича муаммoларни ҳам кеч бўлганда ҳал қилиши мумкин.
Оддий нарсаларда хато қилиб қўйиши мумкин
Айрим ҳолларда интеллекти юқори бўлган одамлар мияси уларни чалғитиши мумкин. Бундай ҳолларда инсон ўта оддий нарсаларда адашиши мумкин. Аммо ўз ақлига ўта ишониш уларни хато қилганини тан олишга қўймайди.
Доим кеч қолиш
Доим айтилган жойга кеч қолувчи инсонлар креатив бўлади, деган қараш мавжуд. Чунки белгиланган вақтда режасини амалга оширишга улгурмаган ижодкор унга ўта креатив ёндашган бўлиши ва бунинг оқибатида кеч қолган бўлиши ҳам мумкин.
Ғалати ёки қайғули ҳолатлар/нарсаларнинг устидан кулиш
Интеллектуал ривожланган инсонларни ўткир сатирага мойилроқ бўлади, деб ўйлаш мумкин. Аммо улар жуда ғалати ҳолатлар ва ҳатто бошқа одамнинг бошига тушган нохушликнинг устидан ҳам кулиши мумкин. Олимлар бунга юморнинг стрессни енгиш учун яхши восита эканини сабаб қилиб кўрсатади. IQ баланд бўлган одамлар бошқаларга нисбатан стрессга берилувчан бўлади. Шунинг учун улар юморга кўпроқ мурожаат қилади. Қора юморга кўпроқ мойил бўлганлар эса агрессия ва жаҳлдорликдан анча узоқ юради.
Ваҳимачилик
Психологлар ақлли одамлар пессимистликка мойил бўлиши ва ҳатто ўзи билан содир бўлиши мумкин бўлган нохуш ҳолатларни ўйлаб топишини айтмоқда. Гап шундаки, ақлли одамлар ўтмишдаги воқеа-ҳодисаларни тўлиқ таҳлил қилишга мойил. Шундан келиб чиққан ҳолда улар келажакдаги эҳтимолий вазиятларга ҳам тайёр туради. Аммо айнан мана шу уларни доимий таҳликада яшашга ҳам мажбур қилади.
Атрофдагиларга босим ўтказиш
Ақлли инсонлар бирор бир маррага бошқалардан тезроқ ва осонроқ эришади. Ўзидан келиб чиққан ҳолда атрофдагилардан ҳам шундай натижани кутади. Шу туфайли улар кўзида оддий кўринган вазифани қандай қилиб уддалай олмаслик мумкинлигини тушунмайди ва ҳаддан ортиқ талабчан бўлиб қолади.
Суҳбатдошини хафа қилиб қўйиш
IQ баланд бўлган инсонлар баъзан суҳбатдошини хафа қиладиган нарсаларни гапириб қолиши мумкин. Аммо аксарият ҳолларда улар буни атайлаб қилмайди. Ақлли инсонлар бошқаларнинг ҳиссияётларини тушунмаслиги ва шунинг учун уларнинг кўнглига тегиб қўйиши мумкин. Бу уларнинг одамларга қўшилиб, дўстлашишидаги катта муаммосидир.
Ҳеч кимга ёқмаслик
Одамларнинг бир-бирига ёқиши уларнинг ақлий даражасига боғлиқдир. Оддий қилиб айтганда, биз ақлий салоҳияти ўзимизники билан тенг бўлган инсонлар билан тезроқ чиқишиб кетамиз. Психологлар дўстлашиш учун IQ’даги тафовут 15 баллдан ошмаслиги керак, деб ҳисоблайди.
Юқоридаги хулосалар бир неча йиллик кузатув ва тажрибаларга асосланган, аммо ҳар бир инсон ўзига хос характерга эга алоҳида бир дунё. Шундай экан, умумий хулосалар сизга ҳар доим ҳам тўғри келмаслиги мумкин.