АҚШ Россиянинг нозик нуқтасига зарба берди
Москвага нисбатан янги санкциялар эълон қилинди.
АҚШ Россиянинг нефть саноатига санкция жорий этди. Бу хақда Оқ уй маълум қилди.
Вашингтон бу қарорни иттифоқчи ва ҳамкорлари билан маслаҳатлашиб қабул қилган.
"Нефть ва газни қазиб олиш қурилмалари экспортини назоратга олиш орқали савдо вазирлиги Россиянинг нефтни қацта ишлаш саноатини узоқ муддатли истиқболда ривожлантиридиган технологиялар экспортига чеклов қўйди", — деб қайд этилган Оқ уй тарқатган хабарда.
Шунингдек, Америка энерогоресурслар етказиб беришнинг глобал қисқаришидан манфаатдор эмаслиги, шунинг учун уларнинг савдосидаги ҳисоб-китоблар учун молиявий санкциялар жорий этилмаганлиги таъкидланган. Аммо шу билан бирга Вашингтон ва иттифоқчилари Москванинг етакчи энергетика давлати мақомини пасайтиришга ҳаракат қилиши айтилган.
"Ушбу хатти-ҳаракатлар мақсадга эришишга ва америкалик истеъмолчиларни ҳимоя қилишга ёрдам беради", — дейилган администрация баёнотида.
Маълумот ўрнида: Россия 24 февраль куни Украинада ҳарбий операция бошлагач, Ғарб Москвага қарши янги санкциялар жорий этди. Чекловларнинг аксарияти молия бозорига қарши қаратилган. Хусусан, Россиянинг бир қатор банклари АҚШ, Европа ва Буюк Британия қора рўйхатига киритилди, шунингдек, SWIFT тизимидан узиб қўйилди.
Эслатиб ўтамиз, аввалроқ Москвага евро ажратиш тақиқлангани тўғрисида хабар берилганди.
