АҚШнинг барча штатларида Дональд Трамп сиёсатига қарши “Қирол йўқ” (No Kings) номли гуруҳ ташаббуси билан кенг кўламли норозилик намойишлари ўтказилди. Намойиш иштирокчилари ҳукуматнинг 1 октябрдан бери давом этаётган ёпилиши ҳамда иммиграция сиёсатига қарши чиқиб, Трампнинг бошқарув услубини авторитаризмга мойилликда айбладилар.
Норозилик намойишлари мамлакат бўйлаб 2 700 дан ортиқ жойда бўлиб ўтди. Иштирокчилар “Қиролларга ўрин йўқ”, “Демократияни сақлаб қоламиз” каби шиорларни кўтариб чиқдилар.
Вице-президент Ж.Д. Венс эса Bluesky ижтимоий тармоғида Трампни монарх образида тасвирлаган, сунъий интеллект ёрдамида яратилган видеони эълон қилди. Унда Трамп қироллик либосида, қўлида қилич тутган ҳолда кўрсатилган, таниқли демократ сиёсатчилар эса унинг олдида тиз чўккан ҳолатда тасвирланган.
Трамп ҳукумат ёпилиши ва намойишлар ўртасидаги боғлиқлик ҳақидаги саволга жавобан “Мен қирол эмасман” деди ҳамда вазият учун демократларни айблади.
Сенат федерал ҳукуматни вақтинча молиялаштириш ҳақидаги қонун лойиҳасини ўнинчи бор рад этгани сабабли, ҳукуматнинг қисман ёпилиши камида 20 октябргача давом этади.