Австралиялик қиз 4,5 км баландликдан йиқилиб, тирик қолди
У шу воқеадан кейин ҳаёти бутунлай ўзгаргани ҳақида айтади.
Эмма Кери исмли қиз Швейцариянинг Алп тоғларида парашютдан сакраш орзусини рўёбга чиқаришга қарор қилганди.
Бироқ парашютда юзага келган носозлик сабаб инструктор билан бирга ерга қулаб тушган. Аввалига қиз белигача шол бўлиб қолди, шифокорлар унинг юриб кетишга умид йўқ деб айтишганди. Орадан бироз вақт ўтиб Эмми юришга ҳаракат қила бошлади ва яна одатий ҳаётга қайди.
У бу воқеа ҳаётини тубдан ўзгартиргани ҳақида гапираркан, энди ҳар бир кун ва ҳар бир дақиқанинг қадрига етиб яшашни ўрганганини айтди.
"Ўша пайт мен бор-ёғи 10 сониягина умрим қолди деб ўйлагандим. Шундан кейин ҳаётим ҳақиқатан ҳам ўзгарди ва энди мен ҳар бир кун яшашим учун қўшимча вақт эканлигини ҳис қиляпман", дейди у.
