30 январ куни Тошкент шаҳрида Ўзбекистон Футбол Ассоциациясининг навбатдаги ҳисобот-сайлов конгреси бўлиб ўтди. Конгрес якунларига кўра, Давлат хавфсизлик хизмати раиси, генерал-полковник Баҳодир Қурбонов делегатлар томонидан бир овоздан Ўзбекистон Футбол Ассоциацияси президенти этиб қайта сайланди.
Маълум қилинишича, Баҳодир Қурбонов мазкур лавозимни 2025 йил февраль ойидан бошлаб эгаллаб келмоқда ва келгуси даврда ҳам ассоциация фаолиятига раҳбарлик қилади.
Конгрес доирасида футбол соҳасида коррупцияга қарши курашиш, шунингдек, иқтидорли ёш футболчилар учун адолатли ва шаффоф имкониятлар яратиш масалаларига алоҳида эътибор қаратилди.
Шунингдек, Равшан Эрматов Ўзбекистон Футбол Ассоциациясининг биринчи вице-президенти, Одил Аҳмедов эса вице-президенти лавозимларини сақлаб қолди.