Ар-Риёд Оқ уй раҳбари Жо Байденнинг нефть ҳақидаги сўзларидан сўнг Вашингтонга муносабатларни ўзгартириши билан таҳдид қилди, деб хабар берди Америка матбуоти.
The Washington Post газетасининг ёзишича, валиаҳд шаҳзода Муҳаммад бин Салмон Ар-Риёд ва Вашингтон ўртасидаги муносабатларни тубдан ўзгартириши ҳамда Америка нефть қазиб олишнинг қисқаришига қарши чора кўрса, унга катта иқтисодий харажатлар юклаши билан таҳдид қилган.
Ўтган йилнинг кузида АҚШ президенти Саудия Арабистонига юқори энергия нархлари ва АҚШда бўлажак сайловлар фонида нефть қазиб олишни қисқартириш қарори учун «оқибатлар» бўлишини ваъда қилган эди. Бу таҳдид тўғридан-тўғри Саудия расмийларига етказилганми ёки йўқми аниқлик киритилмаган. Бироқ, бу сўзлар АҚШ ва Саудия Арабистони ўртасидаги кескинликни кучайтиради, деб ёзади газета.
Маълумот учун, яқинда ОПEК мамлакатлари ва нефть қазиб олишни қисқартириш бўйича келишувда иштирок этувчи бошқа нефть қазиб олувчи давлатлар 2024 йил 1 январдан бошлаб квотани кунига 1,6 миллион баррелга камайтиришга келишиб олдилар.