Беларусь Украина ғалласини ўз ҳудуди орқали ўтказишга рози
Бунинг эвазига Минск ҳеч қандай шарт қўймаган.
Беларусь Литва портларидан кейинги экспорт учун Украина ғалласини ўз ҳудуди орқали ҳеч қандай шартларсиз ўтказишга рухсат беради. Бу ҳақда БМТ матбуот котиби Стефан Дюжаррик маълум қилди.
Унинг сўзларига кўра, Беларусь ташқи ишлар вазири ўринбосари Юрий Амбразевич Нью Йоркда БМТ Бош котиби Антониу Гутерриш билан учрашган. Музокаралар чоғида беларуслик дипломат ўз мамлакати “олдиндан шартларсиз Украина донининг транзитига рози бўлишини” айтган.
Амбразевич, шунингдек, ҳукуматнинг ҳозирда санкцияларга дучор бўлган ўз ўғитларини экспорт қилиш имкониятига эга бўлиш ҳақидаги илтимосини такрорлаган.
