30-ноябр куни соат 14:00 ларда Бектемир–Чорбоғ автомобиль йўлида “Cobalt” ва юк машинаси ҳайдовчилари ўртасида йўл талаши натижасида жанжал юз берди.
Воқеа чоғида “Cobalt” ҳайдовчиси, 1992-йилда туғилган Ф.М., машинасида бўлган “отвертка” билан юк машинаси ҳайдовчисига таҳдид қилган. Ҳудудий профилактика инспектори ва ИИБ ходимлари зудлик билан етиб бориб, жанжални бартараф этган ва 33 ёшли Ф.М. ушланган.
Ҳозирда ҳолат юзасидан Ўзбекистон Республикаси Маъмурий жавобгарлик тўғрисидаги кодекснинг 183-моддаси асосида ҳужжатлар расмийлаштирилган. 1-декабр куни иш Бўстанлиқ тумани суди томонидан кўриб чиқилиши режалаштирилган. Қайд этиш жоиз, жамоат тартиби ва фуқароларнинг хавфсизлигига таҳдид солувчи ҳар қандай ҳаракат қонун доирасида жазо олиб келади.