Сурхондарё вилоятининг Бойсун туманидаги газ конида содир бўлган янги авария оқибатида 4 киши ҳалок бўлган. Бу ҳақидаги маълумотни “Газета.uz”га Президент матбуот котиби Шерзод Асадов тасдиқлаган.
Нашрнинг манбага таяниб ёзишича, ҳалок бўлганлар конда ишлаган пудратчи ташкилот ходимлари бўлган.
Шунингдек, Президент Шавкат Мирзиёевга ҳодиса содир бўлиши биланоқ хабар берилгани ва реал вақт режимида вазият ҳақида маълумот тақдим қилинаётгани айтилган.
Ҳодиса содир бўлган жойга масъул вазирлик ва ташкилотлар раҳбарлари етиб борган. Маҳаллий тузилмаларга авария оқибатларини бартараф этишда ёрдам бериш учун хорижий мутахассислар жалб қилинган.