Бухоро вилояти Ромитан тумани ҳокимининг “Ифтихор” МФЙ бўйича ёрдамчиси Элёр Тошпўлатов ўзининг бошқарувидаги “Нехиа-2” автомобилида содир этган йўл-транспорт ҳодисасида 10 ёшли бола вафот этди.
Маҳаллий телеграм-каналлардан бирида “ҳайдовчи қоидаларни бузган ҳолда катта тезликда ҳаракатлангани” айтилади.
Туман ҳокимлиги ахборот хизматининг маълум қилишича, ҳоким ёрдамчисининг хатти-ҳаракатлари кадрлар бўлими томонидан ўрганилмоқда.
Бу ҳодиса ҳақида Бухоро вилояти ИИБ ЙҲХБ томонидан расмий маълумот берилмаган.