COVID-19 АҚШда 2019 йил сентябрь ойида тарқала бошлаган — хитойлик олимлар
Хитойлик олимлар ўтказган тадқиқот натижаларига кўра, коронавируснинг Қўшма Штатларда тарқалиши 2019 йил сентябрь ойидан бошланган бўлиши мумкин.
Мутахассисларнинг сўзларига кўра, улар коронавируснинг АҚШ ва Хитойда тарқалиши мумкин бўлган санасини математик модель ёрдамида таҳлил қилиб, тасдиқланган инфекция ҳолатлари сони тўғрисидаги маълумотлардан фойдаланган.
Уларнинг фикрича, таҳлил натижалари юқори эҳтимол билан COVID-19 АҚШда 2019 йил сентябрь ойида тарқала бошлагани, Хитойда эса йил охирида қайд этилганини кўрсатмоқда.
Эслатиб ўтамиз, август ойида Хитой Касалликларни назорат қилиш ва профилактика маркази мутахассислари Уханда коронавирус пайдо бўлишининг янги версиясини эълон қилганди. Уларнинг фикрича, вирус мамлакатга Хитойга озиқ-овқат юборган бошқа давлатлардан — АҚШ ёки Европа Иттифоқига аъзо давлатлардан кирган бўлиши мумкин.
Аввалроқ Хитой ташқи ишлар вазири Ван И АҚШга коронавирус келиб чиқиши ҳақидаги ҳисобот юзасидан норозилик билдирганди.
Насиба Тўхтаева
