COVID-19 га қарши вакциналарни саратон терапиясида ҳам қўллаш мумкин
Олимлар mRNК вакцинаси иммунтерапиянинг самарадорлигини ошириши мумкинлигини айтишмоқда.
COVID-19’га қарши Pfizer ва Moderna’нинг mRNК вакциналари нафақат вирусдан ҳимоя қилиш, балки айрим саратон касалликлари билан оғриган беморларнинг даволаниш жараёнида ҳам ижобий таъсир кўрсатиши мумкинлиги маълум бўлди. Олимлар пандемия даврида вакцина олган ва олмаган беморлар маълумотларини солиштириб, кутилмаган натижаларга duch келишган.
Тадқиқотга ривожланган ўпка саратони ва меланома ташхиси қўйилган мингдан ортиқ бемор жалб этилган. Уларга иммунтерапиянинг замонавий тури — “checkpoint ингибиторлари” қўлланган. Маълум бўлишича, иммунтерапиядан тахминан 100 кун аввал mRNК вакцинаcини қабул қилган беморлар вакцина олмаганларга нисбатан икки баробар узоқ умр кўрган.
Мутаҳассислар бундай натижаларга катта умид билан қарашмоқда, аммо ҳали кўплаб саволлар очиқ қолмоқда. Хусусан, вакцинани қайси босқичда қўллаш энг самарали бўлиши, бошқа саратон турларига қандай таъсир қилиши ва иммун тизимини янада фаоллаштирувчи оқсиллар асосида янги вакциналар яратилиши мумкинлиги ўрганилмоқда.
