Дубайда бўлиб ўтаётган иқлим саммитида бир нечта президентлар Беларусь раҳбари Лукашенко билан суратга тушишдан бош тортди. Бу ҳақда LRT нашри хабар берди.
Қайд этилишича, Литва президенти Гитанас Науседа Александр Лукашенко иштирок этгани сабабли бошқа давлат етакчилари билан суратга тушишдан бош тортган.
“Бу оилавий сурат деб аталади. Лукашенко биз тегишли бўлишни истаган оилага алоқадор эмас”, — дейди Науседа.
Литва президенти билан бирга Латвия ва Полша президентлари Эдгарс Ринкевич ва Анжей Дуда биргаликда суратга тушишдан бош тортдилар.