“Apple” компаниясининг қиймати 74% га ошиб, 516,6 миллиард долларга етганидан сўнг дунёдаги энг қиммат брендга айланди.
Шу билан бирга, “Аmazon” компаниясининг қиймати атиги 3,2% га ўсиб, 308,9 миллиард долларни ташкил этди. Маълумотлар "Brand Finance Global 500” таҳлилчиларининг йиллик тадқиқотида келтирилган.
“Apple” компанияси “iPhone” савдоси улуши барқарорлашганига қарамай, ўз бренди қийматини сезиларли даражада оширган. Компания ҳали ҳам 71% улуш билан премиум смартфонлар бозорида етакчилик мавқеини сақлаб келмоқда.
Рейтингда иккинчи ўринда тўртинчи ўриндан кўтарилиб, ўз қийматини қарийб 78% га ошириб, 340,4 миллиард долларга етказган “Мicrosoft” бренди жойлашган. “Google” учинчи ўринни эгаллаб, ўз қийматини 18,5% га ошириб, 333,4 миллиард долларга етказди.
“Samsung” ва “Wаlmart” компаниялари анча орқада қолмоқда, боиси уларнинг брендлари салбий динамикани намойиш этди. “Samsung” брендининг қиймати 0,3% га камайиб, 99,4 миллиард долларга, “Walmart”нинг қиймати эса 15% га тушиб, 96,8 миллиард долларни ташкил этди.